Friends Supporting Their Friend'S Family : తమతో పాటు చదువుకున్న చిన్ననాటి స్నేహితుడు అకాల మరణం చెందడంతో అతడి కుటుంబానికి రూ.55,000 ఆర్థికసాయం చేసి తమ మంచి మనసు చాటుకున్నారు అతడి మిత్రులు. ఈ ఘటన సిద్దిపేట జిల్లాలో జరిగింది.
లింగాపూర్ గ్రామానికి చెందిన మీసా నరసింహులు దుల్మిట్ట జడ్పీ ఉన్నత పాఠశాలలో 2005 బ్యాచ్లో పదో తరగతి చదువుకున్నారు. అయితే ఇటీవల ఆయన అనారోగ్యంతో మృతి చెందారు. ఈ సమాచారం తెలుసుకున్న అతడి మిత్రులు నరసింహులు కుటుంబానికి ఏదైనా సాయం చేయాలనుకున్నారు. మిత్రులంతా కొంత సొమ్ము సేకరించి నరసింహులు కుమార్తె పేరు మీదుగా పోస్టు ఆఫీసులో కిసాన్ వికాస్ పత్ర పథకంలో రూ.55వేల రూపాయలు ఫిక్స్డిపాజిట్ చేసి స్నేహాన్ని చాటుకున్నారు. ఈ కార్యక్రమంలో సెవెళ్ల సంపత్, సెవెళ్ల కృష్ణ , వినోద్ , చిరంజీవి, సాగర్, రమేష్,రాజు అశోక్ చిన్ననాటి మిత్రులు పాల్గొన్నారు.
