అందరినీ చంపుతానంటూ తిరిగి - చివరకు వృద్ధుడిని బలి తీసుకుని

A Old Man Murder in Mahabubabad : రెండు రోజుల నుంచి అందరినీ చంపుతానంటూ గ్రామంలో తిరిగిన ఓ వ్యక్తి, చివరకు వృద్ధుడిని బలి తీసుకున్నాడు. మహబూబాబాద్‌ జిల్లా ఇనుగుర్తి మండలం చిన్న ముప్పారం గ్రామంలో జరిగిన ఈ ఘటనలో యాకయ్య అనే వ్యక్తి మృతి చెందాడు. గ్రామానికి చెందిన రాజు అనే వ్యక్తి రెండు రోజులుగా విచిత్రంగా ప్రవర్తిస్తూ తిరుగుతున్నట్లు స్థానికులు వెల్లడించారు. ఈ క్రమంలో బహిర్భూమికి వెళ్తున్న యాకయ్యను మంచం పట్టెతో కొట్టి చంపాడు. వెంటనే గ్రామస్థులు రాజును పట్టుకుని చెట్టుకు కట్టేశారు. నెల్లికుదురు పోలీసులకు ఫిర్యాదు చేయడంతో, ఘటనా స్థలానికి చేరుకున్న పోలీసులు నిందితుడ్ని అదుపులోకి తీసుకుని విచారణ చేపట్టారు.