'దేవర' సక్సెస్​ మీట్​ - సెలబ్రేషన్స్​ కోసం తారక్ కూడా వెయిటింగ్ అంట! - Devara Success Meet

Devara Success Meet : జూనియర్ ఎన్టీఆర్- కొరటాల శివ కాంబోలో తెరకెక్కిన 'దేవర' మంచి విజయం సాధించింది. దీంతో సక్సెస్ మీట్ కోసం ఫ్యాన్స్ ఎదురు చూస్తున్నారు. దీనిపై నిర్మాత నాగవంశీ తాజాగా ఓ ట్వీట్ చేశారు.

Devara Success Meet : గ్లోబల్ స్టార్ ఎన్టీఆర్ లీడ్​ రోల్​లో తెరకెక్కిన సినిమా 'దేవర పార్ట్ 1'. స్టార్ డైరెక్టర్ కొరటాల శివ దర్శకత్వం వహించిన ఈ సినిమా సెప్టెంబర్ 27న రిలీజై మంచి విజయం అందుకుంది. ఈ క్రమంలోనే బాక్సాఫీస్ వద్ద మంచి వసూళ్లు సాధిస్తోంది. ఈ సినిమాను ఇంత సక్సెస్ చేసిన ప్రేక్షకులకు నిర్మాత నాగవంశీ థాంక్స్ చెప్పారు. ఈ క్రమంలోనే సక్సెస్ మీట్ గురించి కూడా ప్రస్తావించారు.

'దేవర సినిమాకు ఇంత పెద్ద విజయం అందించిన ప్రతి ఒక్కరికీ ధన్యవాదాలు. బాక్సాఫీస్ వద్ద ఈ సినిమా రికార్డులు సృష్టిస్తోంది. ఈ విజయాన్ని రెండు తెలుగు రాష్ట్రాల్లోని అభిమానులతో సెలబ్రేట్ చేసుకోవడానికి ఓ ఈవెంట్ నిర్వహించాలని తారక్ అన్న పట్టు పట్టాడు. అయితే మేం ఎంత్ర ప్రయత్నం చేసినప్పటికీ దేవి నవరాత్రులు, దసరా సీజన్​ వల్ల ఈవెంట్ ఏర్పాటుకు రెండు రాష్ట్రాల్లో అనుమతి దొరకడం లేదు. అది మా చేతుల్లో లేని పని కదా. ఇందుకు ఫ్యాన్స్, ప్రేక్షకులను క్షమాపణలు కోరుతున్నాం. అయినప్పటికీ మేం ఇంకా ప్రయత్నిస్తున్నాం. అర్థం చేసుకుంటారని ఆశిస్తున్నాం' అని ఆయన ట్వీట్ చేశారు.

A big thank you to each and every one of you who played a part in creating the #DevaraStorm and setting unprecedented records at the BOX OFFICE.

Since the pre-release event couldn’t be held, Tarak anna was adamant about having an event to CELEBRATE the Success of Devara in a BIG… pic.twitter.com/kyxAhy3CnN

— Naga Vamsi (@vamsi84) October 3, 2024

ప్రీ రిలీజ్ క్యాన్సిల్
సెప్టెంబర్ 22న సాయంత్రం హైదరాబాద్​ నోవాటెల్​లో మేకర్స్ ప్రీ రిలీజ్ ఈవెంట్ ఏర్పాటు చేశారు. అయితే ఈ ఈవెంట్​కు అనూహ్యంగా అంచనాకు మించి అభిమానులు రావడం వల్ల నిర్వాహకులు కార్యక్రమాన్ని రద్దు చేశారు. దీంతో తీవ్ర నిరుత్సాహంతో అభిమానులు వెనుదిరిగారు. దీనిపై హీరో ఎన్టీఆర్ అప్పుడే స్పందించారు. ఈవెంట్ రద్దు అవ్వడం వల్ల ఫ్యాన్స్​ కంటే ఎక్కువగా తానే బాధపడుతున్నట్లు చెప్పారు.

కాగా, సినిమాలో ఎన్టీఆర్ డ్యూయెల్ రోల్​లో కనిపించి ఆకట్టుకున్నారు. బాలీవుడ్ బ్యూటీ జాన్వీ కపూర్ హీరోయిన్​గా నటించింది. సీనియర్ నటుడు సైఫ్ అలీ ఖాన్ కీలక పాత్ర పోషించారు. శ్రీకాంత్, శ్రుతి మరాఠే, ప్రకాశ్ రాజ్, అజయ్ తదితరులు ఆయా పాత్రల్లో నటించారు. అనిరుధ్ రవిచంద్రన్ సంగీతం అందించగా, యువసుధ, ఎన్టీఆర్ బ్యానర్లపై ఈ సినిమా తెరకెక్కింది.