Brandon King Replacement: 2024 టీ20 వరల్డ్కప్లో తీవ్రంగా గాయపడిన వెస్టిండీస్ స్టార్ బ్యాటర్ బ్రండన్ కింగ్ టోర్నీ మొత్తానికి దూరం కానున్నాడు. పొట్టికప్లో రానున్న మ్యాచ్ల్లో అతడి స్థానాన్ని కైల్ మేయర్స్ భర్తీ చేయనున్నట్లు ఐసీసీ శనివారం ఓ ప్రకటనలో తెలిపింది. దీంతో మేయర్స్ విండీస్ జట్టుతో చేరనున్నాడు. కాగా, మేయర్స్ కెరీర్లో 37 అంతర్జాతీయ టీ20ల్లో విండీస్కు ప్రాతినిధ్యం వహించాడు.
సూపర్- 8లో రీసెంట్గా ఇంగ్లాండ్తో జరిగిన మ్యాచ్లో విండీస్ ఓపెనర్ బ్రండన్ కింగ్ గాయపడ్డాడు. ఈ మ్యాచ్లో ఇంగ్లాండ్ బౌలర్ శామ్ కరన్ వేసిన బంతిని డిఫెండ్ చేసే క్రమంలో కింగ్ గాయపడ్డాడు. దీంతో తీవ్రమైన నొప్పితో మ్యాచ్ మధ్యలోనే రిటైర్డ్ హార్ట్గా వెనుదిగాడు. కాగా, ఈ మ్యాచ్లో విండీస్ ఓడింది.
