జింబాబ్వేతో సిరీస్ - టీమ్ఇండియా జెర్సీపై ఒకే స్టార్ ఎందుకంటే?

Teamindia Jersy One Star : ఐదు టీ20ల సిరీస్‌లో భాగంగా జింబాబ్వేతో జరిగిన తొలిమ్యాచ్​లో టీమ్​ఇండియా 13 పరుగుల తేడాతో ఓడిపోయింది. 116 పరుగుల లక్ష్యఛేదనలో 102 పరుగులకే కుప్పకూలింది. అయితే ఈ పోరులో టీమ్​ఇండియా జెర్సీపై ఒకే స్టార్‌ ఉంది. కానీ టీమ్​ఇండియా రెండో టీ20 వరల్డ్​కప్​ సాధించిన తర్వాత సంజూశాంసన్​ సోషల్​​మీడియాలో పోస్ట్ చేసిన జెర్సీపై రెండు స్టార్లు ఉన్నాయి. భారత ప్రపంచకప్​ జట్టు ప్రధానిమోదీని కలిసినప్పుడు కూడా జెర్సీలపై కూడా రెండుస్టార్లు ఉన్నాయి. ఎందుకంటే రెండుసార్లు టీ20 ప్రపంచకప్​ సాధించిన దానికి చిహ్నంగా ఈ రెండుస్టార్లు వేశారు. అయితే ప్రపంచకప్​ గెలవకముందే జింబాబ్వే పర్యటనకు యంగ్ టీమ్​ఇండియా వెళ్లింది. అందుకే వాళ్ల కోసం అప్పటికే సిద్ధం చేసిన జెర్సీలపై ఒక్క స్టార్ మాత్రమే ఉంది.కాబట్టి ఇకపై వచ్చే సిరీస్‌ నుంచి రెండు టీ20 ప్రపంచకప్‌లకు ప్రతీకగా రెండు స్టార్లు కలిగిన జెర్సీలను టీమ్ఇండియా ఆటగాళ్లు ధరించొచ్చు.