Virat Gambhir: టీమ్ఇండియా మాజీ ప్లేయర్ గౌతమ్ గంభీర్ను జట్టు హెడ్కోచ్గా నియమించే ముందు స్టార్ బ్యాటర్ విరాట్ కోహ్లీతో బీసీసీఐ ఒక్కసారి కూడా చర్చించలేదట. గంభీర్ అపాయింట్మెంట్ గురించి విరాట్కు కనీసం తెలియదట. అయితే గతంలో ఐపీఎల్లో పలుమార్లు వీరిద్దరి మధ్య జరిగిన వాగ్వాదాలు చర్చనీయాంశాలుగా మారాయి.
అయితే 2024 ఐపీఎల్లో కోల్కతా- బెంగళూరు మ్యాచ్ సందర్భంగా వీరిద్దరూ ఒకరినొకరు హగ్ చేసుకొని కూల్గా ఉన్నారు. దీంతో వీళ్ల మధ్య విభేదాలకు ఎండ్ కార్డ్ పడిందని ఫ్యాన్స్ భావిస్తున్నారు. కానీ, ఇప్పుడు కోచ్గా గంభీర్, జట్టులో సీనియర్ ప్లేయర్గా విరాట్ మధ్య సమన్వయం ఎలా ఉండనుందోనని సర్వత్రా ఆసక్తి నెలకొంది. ఇక ఇదే నెలలో శ్రీలంక పర్యటతో గంభీర్ కోచ్గా బాధ్యతలు స్వీకరించాల్సి ఉంది.
