2024 T20 World Cup Super 8: 2024 టీ20 వరల్డ్కప్ గ్రూప్ దశ దాదాపు ముగింపునకు చేరుకుంది. టోర్నీలో 20 జట్లు తలపడగా 7 టీమ్స్ అఫీషియల్గా సూపర్- 8కు చేరుకున్నాయి. 11 జట్లు అధికారికంగా ఎలిమినేట్ కాగా, ఇంకో స్థానం కోసం బంగ్లాదేశ్, నెదర్లాండ్స్ మధ్య పోటీ ఉంది. కానీ, సూపర్ 8కు చేరుకునేందుకు ఇందులో బంగ్లాదేశ్కే అవకాశాలు పష్కలంగా ఉన్నాయి. బంగ్లా 4 పాయింట్లతో ఉండగా, నెదర్లాండ్ 2 పాయింట్లతో మూడో స్థానంలో కొనసాగుతోంది. టోర్నీలో నెదర్లాండ్ ముందడుగు వేయాలంటే తమ ఆఖరి మ్యాచ్లో శ్రీలంకపై భారీ తేడాతో నెగ్గి, బంగ్లా తమ లాస్ట్ మ్యాచ్ నేపాల్తో చిత్తుగా ఓడాల్సి ఉంటుంది. అది అసాధ్యం కాబట్టి బంగ్లాదేశ్ సూపర్ 8కు వెళ్లడం దాదాపు ఖాయమైనట్లే.
గ్రూపుల వారిగా సూపర్ 8కు చేరుకున్న జట్లు
- గ్రూప్ A: భారత్, అమెరికా
- గ్రూప్ B: ఆస్ట్రేలియా, ఇంగ్లాండ్
- గ్రూప్ C: అఫ్గానిస్థాన్, వెస్టిండీస్
- గ్రూప్ D: సౌతాఫ్రికా
