కాంగ్రెస్​లో చేరిన నేతలకు కీలక పదవులు - పోచారం శ్రీనివాసరెడ్డికి కేబినెట్ హోదా

Pocharam Srinivasa Reddy Appoint as Government Agricultural Adviser : ఇటీవల బీఆర్ఎస్ నుంచి కాంగ్రెస్​లో చేరిన మాజీ స్పీకర్ పోచారం శ్రీనివాసరెడ్డి ప్రభుత్వ వ్యవసాయ సలహాదారుడిగా నియమితులయ్యారు. కేబినెట్ హోదాలో సలహాదారుడిగా నియమిస్తూ ప్రభుత్వం ఉత్తర్వులు జారీ చేసింది. శాసనమండలి ఛైర్మన్ గుత్తా సుఖేందర్ రెడ్డి కుమారుడు గుత్తా అమిత్ రెడ్డిని రాష్ట్ర డెయిరీ అభివృద్ధి సహకార సమాఖ్య ఛైర్మన్​గా ప్రభుత్వం నియమించింది. రెండేళ్ల పాటు అమిత్ రెడ్డి ఆ పదవిలో కొనసాగనున్నారు.