ఉక్రెయిన్ F-16 ఫైటర్​ జెట్​ను కూల్చేసిన రష్యా- మిస్సైల్స్​, డ్రోన్లతో కీవ్​పై భీకర దాడి!

Ukrain F16 Jet Crash : యుద్ధంలో ప్రత్యర్థిని సమర్థంగా ఎదుర్కొనేందుకు మిత్రదేశాల నుంచి ఉక్రెయిన్‌కు అందిన F-16 ఫైటర్లలో ఒక దాన్ని రష్యా పేల్చివేసింది. ఈ ఘటనలో పైలట్ చనిపోయాడు. భారీ క్షిపణులు, డ్రోన్లను రష్యా వరుసగా ప్రయోగించిందని అందులో 4 క్షిపణుల్ని F16 ఫైటర్లతో కూల్చామని కీవ్‌ సైన్యం తెలిపింది. ఉక్రెయిన్ ఇప్పటివరకు సోవియట్ నాటి ఫైటర్‌జెట్లను ఉపయోగిస్తోంది. కీవ్‌ విజ్ఞప్తి మేరకు పాశ్చాత్య దేశాలు 60 విమానాలు అందించేందుకు అంగీకరించాయి. ఇప్పటివరకు 6 యుద్ధవిమానాల్ని డెలివరీ చేశాయి. కాగా గురువారం ఉక్రెయిన్‌పై రష్యా దళాలు 5 మిస్సైల్స్‌, 74 షాహెద్ డ్రోన్లతో విరుచుకుపడింది. వాటిలో 2క్షిపణులు, 60 డ్రోన్‌లను ఉక్రెయిన్‌ గగనతల రక్షణ వ్యవస్థ కూల్చివేసింది. రష్యాలోని రోస్టోవ్, కిరోవ్ ప్రాంతాల్లోని చమురు గిడ్డంగులపై ఉక్రెయిన్ దాడులు చేసినట్లు క్రెమ్లిన్‌ వెల్లడించింది. క్రిమియాపై దాడులకు యత్నించగా తిప్పికొట్టినట్లు ప్రకటన విడుదల చేసింది.