పడవలో అగ్నిప్రమాదం- 40 మంది మృతి

Boat Fire Accident In Haiti : కరేబియన్‌ దేశమైన హైతీ తీరంలో ప్రయాణిస్తున్న ఓ పడవలో మంటలు చెలరేగడం వల్ల 40 మంది మృతి చెందినట్లు తెలుస్తోంది. మరో 41 మందిని హైతీ తీర రక్షక దళం కాపాడినట్లు సమాచారం. బుధవారం మొత్తం 80 మంది శరణార్థులతో హైతీ నుంచి బయలుదేరిన ఈ పడవ కాయ్‌కోస్‌, టర్క్స్‌కు వెళ్తున్నట్లు గుర్తించారు. హైతీలో పెరుగుతున్న భద్రతా సంక్షోభం, వలసలకు సురక్షితమైన, చట్టపరమైన మార్గాలు లేకపోవడం వల్లే ఈ ప్రమాదం జరిగిందని ఇంటర్నేషనల్ ఆర్గనైజేషన్ ఫర్ మైగ్రేషన్ మిషన్ పేర్కొంది.