ఇది బాద్ షా రేంజ్ - వామ్మో లండన్‏లో షారుక్​ లగ్జరీ బంగ్లా అన్ని కోట్లా!

Sharukh Khan London Luxury House : బాలీవుడ్ బాద్ షా షారుఖ్ ఖాన్ గురించి ప్రత్యేకంగా చెప్పక్కర్లేదు. ఎటువంటి బ్యాగ్రౌండ్ లేకుండా సినీ పరిశ్రమలోకి అడుగుపెట్టి బీటౌన్‏లో సూపర్ స్టార్​గా ఎదిగారు. అయితే ఇంగ్లీష్ సైట్ కథనాల ప్రకారం షారుక్​ ఖాన్ ఆస్తుల విలువ రూ.6300 కోట్లు! వీటిలో ముంబయిలోని షారుక్​ నివాసం ఉంటున్న మన్నత్ ఎంతో ప్రత్యేకం. అయితే షారుక్ కేవలం సినిమాల ద్వారానే కాకుండా ఇతర వ్యాపారాల ద్వారా కూడా బానే సంపాదిస్తున్నారు. అలానే ఆయనకు విదేశాల్లో కూడా ఆస్తులు ఉన్నాయట. అయితే ప్రస్తుతం లండన్​లో షారుక్​ ఓ లగ్జరీ ఇల్లు ఉందని, దాని విలువ రూ.172 కోట్లు అని ప్రచారం సాగుతోంది. షారుక్ లండన్ వెళ్లినప్పుడు అందులో ఉంటారని కథనాల్లో రాసి ఉంది. కాగా, షారుక్ గతేడాది పఠాన్, జవాన్, డంకీతో హ్యాట్రిక్​ హిట్స్​ను అందుకున్నారు. ప్రస్తుతం కింగ్ అనే సినిమా చేస్తున్నారు.