RC 16 Pre Production Work : గ్లోబల్స్టార్ రామ్‌ చరణ్‌, 'ఉప్పెన' డైరెక్టర్ బుచ్చిబాబు సనా కాంబోలో తెరకెక్కుతున్న లేటెస్ట్ మూవీ 'RC 16'. ప్రస్తుతం ఈ చిత్రబృందం మూవీని పట్టాలెక్కించే పనుల్లో బిజీగా ఉంది. ఈ నేపథ్యంలో ప్రముఖ నిర్మాణ సంస్థ మైత్రీ మూవీ మేకర్స్‌ తాజాగా చెర్రీ అభిమానుల కోసం ఓ సాలిడ్ అప్‌డేట్‌ ఇచ్చింది. దుబాయ్‌లోని ఫిర్దౌజ్‌ స్టూడియోస్‌లో ఈ మూవీ ప్రీ ప్రొడక్షన్ వర్క్‌ శరవేగంగా జరుగుతున్నట్టు తెలిపింది.
ఇక ఇదే అప్డేట్ను షేర్ చేస్తూ డైరెక్టర్ బుచ్చిబాబు సోషల్ మీడియాలో అదిరిపోయే ఫొటో షేర్ చేశారు. 'నాకు ఇష్టమైన వ్యక్తులతో' అంటూ మ్యూజిక్ డైరెక్టర్ ఏఆర్‌ రెహమాన్‌, సినిమాటోగ్రఫర్ రత్నవేలుతో అంటూ వారు కలిసి దిగిన ఫొటోను పంచుకున్నారు. ప్రస్తుతం ఈ ట్వీట్ నెట్టింట తెగ ట్రెండ్ అవుతోంది.
