Prabhas Upcoming Movie: పాన్ఇండియా స్టార్ ప్రభాస్ ప్రస్తుతం 'కల్కి' సక్సెస్ను ఎంజాయ్ చేస్తున్నారు. ఇక ఆయన తదుపరి సినిమాలపై దృష్టి పెట్టనున్నారు. 'సలార్- 2', 'కల్కి- 2' తోపాటు మారుతి 'రాజాసాబ్', సందీప్రెడ్డి వంగ 'స్పిరిట్' సినిమాలు లైన్లో ఉన్నాయి. ఇవి కాకుండా స్టార్ డైరెక్టర్ హను రాఘవపుడితోనూ ఓ సినిమాకు ప్రభాస్ గ్రీన్ సిగ్నల్ ఇచ్చారు. ఈ క్రమంలో ఆయా సినిమాల్లో ప్రభాస్ పాత్రలపై రోజుకో కొత్త విషయం వినిపిస్తోంది.
దీంట్లో హను రాఘవపూడి దర్శకత్వంలో తెరకెక్కనున్న సినిమాలో ప్రభాస్ సైనికుడిగా కనిపించనున్నారని టాక్ వినిపిస్తోంది. ఈ సినిమా కథ యుద్ధం, ప్రేమ కలయికగా ఉంటుందని అంటున్నారు. ప్రస్తుతం ఈ సినిమా ప్రీ పొడక్షన్ పనులు జరుపుకుంటుంది. ప్రముఖ బ్యానర్ మైత్రీ మూవీ మేకర్స్‌ సంస్థ ఈ సినిమాని నిర్మిస్తోంది. కాగా, ఈ ప్రాజెక్ట్ గురించి మరిన్ని విషయాలు తెలియాలంటే కొన్ని రోజులు ఆగాల్సిందే!
