Nithiin Robinhood Movie Release : టాలీవుడ్ స్టార్ హీరో నితిన్, డైరెక్టర్ వెంకీ కుడుముల కాంబినేషన్లో తెరకెక్కుతున్న 'రాబిన్హుడ్' సినిమా రిలీజ్ విషయంలో మేకర్స్ కీలక నిర్ణయం తీసుకున్నట్లు తెలుస్తోంది. ఇప్పటికే శరవేగంగా షూటింగ్ జరుపుకుంటున్న ఈ చిత్రాన్ని వచ్చే ఏడాది ఫిబ్రవరీలో విడుదల చేసేందుకు ప్లాన్ చేస్తున్నారట. మొదట ఈ సినిమాను ఈ ఏడాది డిసెంబర్లో విడుదల చేయాలనుకున్నారు.
కానీ అప్పటికే ఇదే నిర్మణ సంస్థ 'గేమ్ ఛేంజర్'ను రిలీజ్ చేసేందుకు సిద్ధం కానున్నట్లు తెలుస్తోంది. దీంతో 'రాబిన్హుడ్' రిలీజ్ను 2025 ఫిబ్రవరీకే దాదాపుగా ఫిక్స్ చేయనున్నట్లు సినీ వర్గాల మాట. అయితే ఈ విషయంపై అధికారిక సమాచారం ఇంకా రావాల్సి ఉంది.
