NTR Neel Movie: గ్లోబల్ స్టార్ ఎన్టీఆర్- ప్రశాంత్ నీల్ కాంబోలో తెరకెక్కనున్న ప్రాజెక్ట్ రీసెంట్గా పూజా కార్యక్రమాలతో లాంఛనంగా ప్రారంభమైంది. కానీ, షూటింగ్, తదితర విషయాలపై మేకర్స్ ఎలాంటి క్లారిటీ ఇవ్వలేదు. తాజాగా నిర్మాత రవి శంకర్‌ ఈ సినిమా గురించి సాలిడ్ అప్డేట్ ఇచ్చారు. మూవీ షూటింగ్ అక్టోబర్‌లో ప్రారంభించనున్నట్లు చెప్పారు. ఇక ఎన్టీఆర్ డిసెంబర్‌ నుంచి ఈ మూవీ షూటింగ్లో పాల్గొంటారని పేర్కొన్నారు.
ఇక 'కేజీఎఫ్', 'సలార్'లాంటి బ్లాక్బస్టర్ల తర్వాత డైరెక్టర్ ప్రశాంత్ మరో పాన్ఇండియా సినిమా తెరకెక్కిస్తున్నారు. దీంతో అభిమానుల్లో ఈ సినిమాపై అంచనాలు పెరిగిపోయాయి. గతంలో మేకర్స్ ఓ పోస్టర్ కూడా వదిలారు. గంభీరమైన లుక్తో ఉన్న ఎన్టీఆర్ పోస్టర్ ఫ్యాన్స్ను ఆకట్టుకుంది. కాగా, ఈ చిత్రం 2026 జనవరి 9న ప్రపంచ వ్యాప్తంగా రిలీజ్ కానుంది.
