దేవర్​ నుంచి సూపర్ అప్డేట్​ - ఎన్టీఆర్​పై స్టార్​ కొరియోగ్రాఫర్​ ప్రశంసలు

Devara NTR Boscow Martis : జూనియర్ ఎన్టీఆర్​పై ప్రముఖ కొరియోగ్రాఫర్‌ బాస్కో మార్టిస్‌ ప్రశంసలు కురిపించారు. తారక్​ అద్భుతమైన డ్యాన్సర్‌ అని కొనియాడారు." దేవరలోని ఓ సాంగ్​కు నేను నృత్యరీతులు సమకూర్చాను. అందులో కష్టమైన స్టెప్పుల్లేమీ లేవు. చాలా సింపుల్‌గా కంపోజ్‌ చేశాను. ఎన్టీఆర్‌ స్వీట్‌ డ్యాన్స్‌ సూపర్​గా ఉంటుంది. మీరంతా తప్పకుండా ఎంజాయ్‌ చేస్తారు" అని ఫ్యాన్స్​లో ఆసక్తి పెంచారు. కాగా, బాస్కో- సీజర్‌ ద్వయానికి అప్పట్లో మంచి క్రేజ్ ఉండేది. జిందగీ నా మిలేగీ దొబారాలోని సెనోరిటా సాంగ్​కు 2011లో నేషనల్ అవార్డ్​ అందుకున్నారు. తెలుగులో శ్రీమంతుడు, ధ్రువ సహా పలు చిత్రాల్లోని సాంగ్స్​కు కొరియోగ్రఫీ చేశారు. 2016 నుంచి వేర్వేరుగా పని చేస్తున్నారు. ఓవైపు కొరియోగ్రాఫర్‌గా ఉంటూనే రాకెట్‌ గ్యాంగ్‌తో దర్శకుడిగా మారారు బాస్కో. రీసెంట్​గా సూపర్​హిట్ అయిన తోబా తోబా (బ్యాడ్‌ న్యూజ్‌) బాస్కో కొరియోగ్రఫీ చేసిందే.