పవన్​ కల్యాణ్​పై హీరో నాని కామెంట్స్​ - ఏం చెప్పారంటే?

ది రానా దగ్గుబాటి టక్ షోలో​ పవన్​ కల్యాణ్​ గురించి మాట్లాడిన హీరో నాని.

Hero Nani About Pawan Kalyan : పవర్ స్టార్ పవన్‌ కల్యాణ్‌ అంటే హీరో నానికి మంచి అభిప్రాయం ఉంది. అందుకే ఆ మధ్య జరిగిన ఏపీ అసెంబ్లీ ఎన్నికల్లో పవన్‌కు మద్దతుగా నిలిచారు. పవన్​కు మద్దతుగా పోస్ట్ పెట్టి తన అభిమానాన్ని కూడా చాటారు. అయితే తాజాగా పవన్‌ కల్యాణ్​​ గురించి నాని మరో సారి మాట్లాడారు. రానా దగ్గుబాటి షోలో పాల్గొన్న ఆయన, పవన్‌ కల్యాణ్​ రాజకీయాల్లోనూ పవర్‌ స్టారే అని అన్నారు.

"సినిమాల్లో పవన్‌ కల్యాణ్‌ స్టార్‌గా ఎలా ఎదిగారో తెలిసిన విషయమే. రాజకీయాల్లోనూ పవన్ అదే స్థాయిలో ఎదిగారు. అక్కడ కూడా పవర్‌ స్టార్‌ అని నిరూపించుకున్నారు. ఎంతో మందికి స్ఫూర్తిగా నిలిచారు." అని నాని అన్నారు.

ఈ కామెంట్స్‌పై రానా కూడా స్పందించారు. "పవన్ చాలా కష్టపడి ఈ స్థాయికి వచ్చారు. ఆయన నిజంగానే సూపర్‌ స్టార్‌. రాజకీయాలు కూడా సినిమాల్లాగే ఉన్నాయి." అని చెప్పారు. ఇంకా ఈ కార్యక్రమంలో నానితో పాటు ప్రియాంక అరుల్‌ మోహన్‌ కూడా పాల్గొని సందడి చేశారు. అలా రానా అడిగిన ప్రశ్నలకు నాని, ప్రియాంక మోహన్ ఆసక్తికర సమాధానాలు చెప్పారు.

ఇకపోతే రానా హోస్ట్​ చేసోన్న ఈ షోకు సంబంధించిన తొలి ఎపిసోడ్‌ను గోవాలో జరుగుతోన్న 55వ ఇంటర్నేషనల్‌ ఫిల్మ్‌ ఫెస్టివల్‌ ఆఫ్‌ ఇండియా (ఇఫ్ఫీ)లో ప్రత్యేకంగా ప్రదర్శించారు. అమెజాన్‌ ప్రైమ్‌ వీడియో వేదికగా ది రానా దగ్గుబాటి షో పేరుతో ఇది ప్రసారం కానుంది.

Pawan Kalyan Upcoming Movies : పవన్‌ కల్యాణ్ విషయానికొస్తే ఆయన ఓ వైపు రాజకీయాల్లో బిజీగా ఉంటూనే వీలు చేసుకుని అప్పుడప్పుడు సినిమాలను పూర్తి చేస్తున్నారు. సుజీత్‌ దర్శకత్వంలో గ్యాంగ్‌స్టర్‌ యాక్షన్‌ థ్రిల్లర్‌ మూవీ ఓజీలో నటిస్తున్నారు. దీనితో పాటే హరి హర వీరమల్లు, ఉస్తాద్‌ భగత్‌ సింగ్‌ సినిమాలు కూడా త్వరలోనే పూర్తి చేయనున్నారు. రీసెంట్​గానే హరి హర వీరమల్లు షూటింగ్‌ను పునః ప్రారంభించింది మూవీ టీమ్.