బస్సు, ట్రక్కు ఢీ - 9మంది మృతి, మరో 20మందికి గాయాలు!

Madhya Pradesh Road Accident : మధ్యప్రదేశ్‌ మైహర్​ జిల్లాలో జరిగిన ఘోర రోడ్డు ప్రమాదంలో తొమ్మిది మంది మృతి చెందారు. దాదాపు 20 మంది గాయపడ్డారు. ఈ ఘటన శనివారం రాత్రి 11 గంటల సమయంలో జరిగింది. బస్సు ప్రయాగ్​రాజ్ నుంచి నాగ్​పుర్​కు వెళ్తుండగా నదన్ దేహత్​ సమీపంలోకి రాగానే ఆగి ఉన్న ట్రక్కును ఢీ కొట్టింది. ఈ ప్రమాదంలో ఆరుగురు అక్కడిక్కడే మృతి చెందగా, 23 మంది గాయపడ్డారు. సమాచారం అందుకున్న పోలీసులు ఘటనాస్థలికి చేరుకొని క్షతగాత్రులను ఆస్పత్రికి తరలించారు. చికిత్స పొందుతూ మరో ముగ్గురు మరణించినట్లు అధికారులు తెలిపారు.