Naxal Blast In Chhattisgarh : ఛత్తీస్గఢ్లో మావోయిస్టులు అమర్చిన ఐఈడీ పేలి ఇద్దరు స్పెషల్‌ టాస్క్ ఫోర్స్‌ కానిస్టేబుళ్లు ప్రాణాలు కోల్పోయారు. మరో నలుగురు తీవ్రంగా గాయపడ్డారు. ఈ ఘటన బీజాపుర్ జిల్లాలో బుధవారం రాత్రి జరిగింది. గాయపడిన వారిని వెంటనే హెలికాప్టర్లో జిల్లా ఆస్పత్రికి తరలించారు.
యాంటీ నక్సల్స్ ఆపరేషన్లో భాగంగా ఎస్టీఎఫ్, జిల్లా రిజర్వ్ గార్డ్, సీఆర్ఫీఎఫ్, రాష్ట్ర పోలీసులు కలిసి మంగళవారం సెర్చ్ ఆపరేషన్ నిర్వహించారు. బుధవారం రాత్రి ఈ ఆపరేషన్ ముగించుకొని తిరిగి వస్తుండగా తర్రేమ్ ప్రాంతంలో ఈ ఘటన జరిగిందని అధికారులు తెలిపారు. ఈ ఘటనలో ఎస్టీఎఫ్ కానిస్టేబుళ్లు రాయపురకు చెందిన భరత్ సాహు, నారాయణపుర్ జిల్లాకు చెందిన సత్యర్ సింగ్ కాంగే మరణించినట్లు పేర్కొన్నారు.
