కృష్ణపట్నం పోర్టుకు అక్రమంగా రేషన్ బియ్యం- లారీని సీజ్​ చేసిన విజిలెన్స్

Vigilance Authorities Caught Lorry Illegal Transporting Ration Rice: కృష్ణపట్నం పోర్టుకు అక్రమంగా రేషన్ బియ్యం తరలిస్తున్న లారీని విజిలెన్స్ అధికారులు పట్టుకున్నారు. గుంటూరు జిల్లా కలెక్టర్ రాజకుమార్​కు వచ్చిన సమాచారంతో స్థానిక కాజా టోల్​ ప్లాజా వద్ద విజిలెన్స్ అధికారులు, రెవెన్యూ సిబ్బంది తనిఖీలు నిర్వహించారు. ఈ సంఘటన గుంటూరు కాజా టోల్​ ప్లాజా వద్ద జరిగింది.

Revenue Authorities Seized The lorry at Guntur: విజిలెన్స్​ అధికారుల తనిఖీలో భాగంగా నూజివీడు నుంచి కృష్ణపట్నం పోర్టుకు అక్రమంగా తరలిస్తున్న రేషన్​ బియ్యం లారీని అధికారులు స్వాధీనం చేసుకున్నారు. లారీలో పోర్టుకు తరలిస్తున్న 620 బస్తాల రేషన్ బియ్యాన్ని స్వాధీనం చేసుకుని లారీని సీజ్ చేసినట్లు విజిలెన్స్ అధికారులు తెలిపారు. సీజ్​ చేసిన లారీని మంగళగిరి గ్రామీణ పోలీస్ స్టేషన్​కు తరలించినట్లు రెవెన్యూ సిబ్బంది పేర్కొన్నారు. అధికారుల కళ్లు కప్పి అక్రమంగా రేషన్ బియ్యాన్ని ఎవరు తరలిస్తున్నారనే వివరాల కోసం పూర్తి స్థాయిలో విచారణ చేస్తున్నామని విజిలెన్స్ అధికారులు చెప్పారు. దీని వెనుకున్న నిందితులపై చర్యలు తీసుకుంటామని పోలీసులు వివరించారు.