LIVE : తెలంగాణ అసెంబ్లీ సమావేశాలు ప్రత్యక్ష ప్రసారం

Assembly Sessions Live : తెలంగాణ అసెంబ్లీ ఉభయ సభలు ఇవాళ మూడో రోజు కొనసాగుతున్నాయి. ఉదయం 10 గంటలకు ప్రశ్నోత్తరాల కార్యక్రమంతో ఉభయ సభలు ప్రారంభమైయ్యాయి. ఎమ్మెల్యేలు, ఎమ్మెల్సీలు అడిగిన ప్రశ్నలకు సంబంధిత మంత్రులు రెండు సభల్లోనూ సమాధానాలు ఇచ్చారు. ఆ తరువాత సోమవారం జరిగిన బిజినెస్‌ అడ్వైజరీ కమిటీ- బీఏసీ నిర్ణయాలను ముఖ్యమంత్రి రేవంత్‌ రెడ్డి సభలో ప్రవేశపెట్టారు. ఈ సమయంలో విపక్షాలకు సభలో మాట్లాడేందుకు అవకాశం ఇవ్వడం లేదని బీఆర్​ఎస్ నేతలు ఆందోళనకు దిగారు. దీంతో డిప్యూటీ సీఎం భట్టి విక్రమార్క స్పందించారు. సభలో కీలకమైన చర్చలు జరిగేటప్పుడు బీఆర్​ఎస్ నాయకులు భంగం కలిగిస్తున్నారని భట్టి విక్రమార్క అన్నారు. సభా నియమాలకు వ్యతిరేకంగా ప్రవర్తిస్తున్నారని మండిపడ్డారు. తప్పులు కప్పిపుచ్చుకోడానికి ఆ పార్టీ నాయకులు ప్రయత్నిస్తున్నారని, వారి లోపాలు చూపడానికి సిద్ధంగా ఉన్నామని తెలిపారు. అనంతరం సభ మధ్యాహ్నానికి వాయిదా పడింది. వాయిదా అనంతరం సభ తిరిగి ప్రారంభమైంది. తెలంగాణ అసెంబ్లీ నుంచి ప్రత్యక్షప్రసారం.