న్యాయపరమైన డిమాండ్లు పరిష్కరించాలి: బహుజన టీచర్ల​ సంఘం

Teachers Union Agitation in Vijayawada : సీఎం జగన్​ మోహన్​ రెడ్డి సీపీఎస్​ను రద్దు చేసి, పాత పింఛన్​ విధానాన్ని అమలు చేస్తానని ఇచ్చిన హామీని అమలు చేస్తేనే తమను ఓట్లు అడిగేందుకు రావాలని బహుజన టీచర్ల​ సంఘం నాయకులు వ్యాఖ్యానించారు. ప్రతిపక్ష నేతగా ఉన్నప్పుడు జగన్​ మాటలను నమ్మి ఓట్లు వేసి గెలిపించుకుంటే తమల్ని నమ్మకద్రోహం చేశారని మండిపడ్డారు. విజయవాడలో బహుజన టీచర్స్​ సంఘం ఆధ్వర్యంలో ఉపాధ్యాయులు నిరసన కార్యక్రమం చేపట్టారు.

రాష్ట్ర ప్రభుత్వం జీవో 117 రద్దు చేయటం వల్ల కొన్ని వేల టీచర్లు పోస్టులు కోల్పోయామని టీచర్స్ సంఘం నాయకులు ఆవేదన వ్యక్తం చేశారు. వాటిని తిరిగి పునరుద్దరించాలని డిమాండ్​ చేశారు. ఉపాధ్యాయులకు డీఏ బకాయిలను వెంటనే చెల్లించాలని తెలిపారు. ప్రభుత్వం రకరకాల యాప్​ల పేరుతో ఉపాధ్యాయులను వేధింపులకు గురి చేస్తుందని వాపోయారు. తమ న్యాయపరమైన డిమాండ్లను పరిష్కరించకపోతే రాబోయే ఎన్నికల్లో ఉపాధ్యాయులను అందరూ కలిసి జగన్​ గద్దె దించడానికి సిద్ధంగా ఉన్నారని వెల్లడించారు.