అసెంబ్లీ ముందు సర్పంచుల ఆందోళన - అరెస్టు చేసిన పోలీసులు

Sarpanches Protest For Pending Bills at Assembly : గ్రామ పంచాయతీలో సర్పంచులు అభివృద్ధి చేసిన పెండింగ్ బిల్లులను తక్షణమే ప్రభుత్వం చెల్లించాలని డిమాండ్‌ చేస్తూ, రాష్ట్ర సర్పంచుల సంఘం ఐకాస చలో హైదరాబాద్‌కు పిలుపునిచ్చింది. పబ్లిక్ గార్డెన్ (Public Garden) నుంచి ర్యాలీగా వచ్చిన సర్పంచులు, గన్ పార్క్​లోని అమరవీరుల స్తూపం వద్ద ప్రభుత్వానికి వ్యతిరేకంగా నినాదాలు చేస్తూ నిరసన తెలిపారు. అభివృద్ధి పనులకు పెండింగ్‌ బిల్లులు చెల్లించాలని డిమాండ్‌ చేశారు. 

Sarpanches Arrest for Protest at Assembly : కొంతమంది సర్పంచులు ఆత్మహత్యలు చేసుకున్నారని సర్పంచులు గుర్తు చేశారు. పెండింగ్ బిల్లులు ఇచ్చే వరకు గ్రామాలలో ప్రజా ప్రతినిధులను తిరగనివ్వకుండా అడ్డుకుంటామన్నారు. ఈ క్రమంలో సర్పంచులు గన్ పార్క్(Gun Park) నుంచి ఒక్కసారిగా అసెంబ్లీ ముందు రోడ్డుపై బైఠాయించారు. పెద్ద సంఖ్యలో సర్పంచులు ఆందోళన చేపట్టడంతో భారీగా ట్రాఫిక్ జామైంది. సర్పంచుల నిరసనను అడ్డుకున్న పోలీసులు ఆందోళనకారులను అరెస్టు చేసి పోలీస్ ​స్టేషన్​కు తరలించారు.