రూ.కోటి 20 లక్షల విలువైన నకిలీ మద్యం ధ్వంసం

Police Demolished Illegal Wine : రూ.కోటి 20 లక్షల విలువ గల నకిలీ మద్యాన్ని ఇవాళ హయత్ నగర్ ఎక్సైజ్ అధికారులు ధ్వంసం చేశారు. ఒడిశా నుంచి రాష్ట్రానికి అక్రమంగా తరలిస్తున్న నకిలీ మద్యాన్ని 2022 డిసెంబర్​లో హయత్ నగర్ ఎక్సైజ్ పోలీసులు పట్టుకున్నారు. ఈ నేపథ్యంలో ఇవాళ సుమారు 3 వేల లీటర్ల నకిలీ మద్యాన్ని జేసీబీ(JCB) సాయంతో ఎక్సైజ్ శాఖ అధికారులు ధ్వంసం చేశారు. ఈ సందర్భంగా సరూర్ నగర్ ఎక్సైజ్ డివిజన్ అధికారి రవీందర్ రావు మాట్లాడారు.

Excise Police about Drugs : ఓ బెల్టుషాపులో దొరికిన చిన్న క్లూతో పెద్ద ఎత్తున నకిలీ మద్యాన్ని పట్టుకున్నామని ఎక్సైజ్ డివిజన్ అధికారి రవీందర్ రావు తెలిపారు. నకిలీ మద్యం, గంజాయి, గంజాయి చాక్లెట్స్​ అక్రమంగా తరలిస్తున్న క్రమంలో వాటిపై పటిష్ఠ నిఘా పెట్టామని చెప్పారు. మాదక ద్రవ్యాలకు యువత దూరంగా ఉండాలని సూచించారు. బెల్ట్ షాపులపై కూడా కఠిన చర్యలు తీసుకుంటామని తెలిపారు. ఇలాంటి అక్రమ మద్యాన్ని ఎట్టి పరిస్థితిలో సహించేది లేదని అన్నారు.