LIVE: మంగళగిరిలోని టీడీపీ జాతీయ కార్యాలయంలో ఎన్టీఆర్‌ జయంతి వేడుకలు - ప్రత్యక్ష ప్రసారం - NTR birth anniversary celebrations

LIVE: టీడీపీ వ్యవస్థాపకుడు, దివంగత మాజీ ముఖ్యమంత్రి ఎన్టీఆర్‌ 101వ జయంతి వేడుకలు రెండు తెలుగు రాష్ట్రాల్లో అంగరంగా వైభవంగా జరుగుతున్నాయి. తెలుగు ప్రజల ఆత్మబంధువు ఎన్టీఆర్ జయంతి సందర్భంగా తెలుగుదేశం అధినేత చంద్రబాబు నివాళులర్పించారు. ఆ మహనీయుడి 101వ జయంతి సందర్భంగా నివాళులు అర్పిస్తూ అన్నగారి సేవలను స్మరించుకుందామని శ్రేణులకు పిలుపునిచ్చారు. క్రమశిక్షణ, పట్టుదల, చిత్తశుద్ధి, ప్రజలకు మంచి చేయాలనే తపనే ఒక సామాన్య రైతు బిడ్డ అయిన తారక రాముడిని మహా నాయకునిగా తీర్చిదిద్దాయని పేర్కొన్నారు.నారా లోకేశ్ నివాళులు : ఎన్టీఆర్ జయంతి సందర్భంగా టీడీపీ నేత నారా లోకేశ్ నివాళులు అర్పించారు. తెలుగుజాతి ఆత్మగౌరవం, ప్రజల సంక్షేమం, రాష్ట్రాభివృద్ధికి విశేష కృషి చేసిన మహానాయకుడు ఎన్టీఆర్ అని కొనియాడారు. తెలుగు ప్రేక్షకుల ఆరాధ్య కథానాయకుడు ఎన్టీఆర్ అని, అన్న ఎన్టీఆర్ గారి ఆశయ సాధనే తెలుగుదేశం పార్టీ అజెండా అని తాతయ్య నందమూరి తారక రామారావు గారే తన నిత్యస్ఫూర్తి అని పేర్కొన్నారు. మంగళగిరి టీడీపీ కార్యాలయంలో ఎన్టీఆర్‌ 101వ జయంతి వేడుకలు ప్రత్యక్ష ప్రసారం