రాయదుర్గంలో రిటైర్డ్ హెడ్ మాస్టర్ ఇంట్లో ఎన్‌ఐఏ సోదాలు - ఉగ్రవాదులతో సంబంధాలపై ఆరా! - NIA Raid Retired Head Master

NIA Raid Retired Head Master House in Anantapur District : అనంతపురం జిల్లాలో ఎన్​ఐఏ (NIA - National Investigation Agency) సోదాలు కలకలం రేపుతున్నాయి. రాయదుర్గంలో నివాసం ఉంటున్న రిటైర్డ్ హెడ్ మాస్టర్ అబ్దుల్ ఇంట్లో ఎన్​ఐఏ అధికారులు తనిఖీలు నిర్వహించారు. అబ్దుల్ గఫూర్ కుమారులు బెంగళూరులో నివాసం ఉంటున్నారు. వీరికి ఉగ్రవాదులతో సంబంధాలు ఉన్నట్లు సమాచారం రావడంతో అబ్దుల్​ గపూర్​ ఇంట్లో సోదాలు చేశారు. 

అబ్దుల్​ గపూర్​ కుమారులు గత కొంతకాలంగా కనిపించకపోవడంతో ఇవాళ వారి ఇంట్లో ఎన్​ఐఏ అధికారులు సోదాలు నిర్వహించినట్లు సమాచారం. రాయదుర్గంలో మూడు రోజులుగా ఎన్​ఐఏ అధికారులు రెక్కి నిర్వహించారు. సాయుధ దళాల సహాయంతో శ్రీ వేణుగోపాల స్వామి ఆలయంలో దాక్కున్న అబ్దుల్ గఫూర్ కుమారుడు సోయేల్‌ను అదుపులోకి తీసుకుని రాయదుర్గం పోలీస్ స్టేషన్‌కు తరలించారు. ఉగ్రవాదులతో ఉన్న లింకులపై సోయేల్​ను విచారించి కేసు నమోదు చేశారు. సోయేల్​ను తమతో పాటు బెంగళూరుకి తీసుకెళ్తున్నట్లు అతని కుటుంబానికి సమాచారం ఇచ్చారు. సాయంత్రం బెంగళూరు కార్యాలయానికి రావాలని సోయేల్​ కుటుంబానికి ఎన్​ఐఏ అధికారులు ఆదేశాలు ఇచ్చినట్లు సమాచారం.