LIVE: ఆమదాలవలసలో లోకేశ్ 'శంఖారావం యాత్ర'- ప్రత్యక్ష ప్రసారం

Nara Lokesh Shankaravam at Amudalavalasa Live:  నారా లోకేశ్ శంఖారావం యాత్ర రెండోరోజు శ్రీకాకుళం జిల్లాలో కొనసాగుతోంది. సార్వత్రిక ఎన్నికలకు పార్టీ శ్రేణుల్ని కార్యోన్ముఖులను చేయటంతో పాటు జగన్ పీడిత వర్గాలన్నింటికీ భరోసా కల్పించేలా తెలుగుదేశం పార్టీ జాతీయ ప్రధాన కార్యదర్శి నారా లోకేశ్ శంఖారావం యాత్రకు సిద్ధమైన విషయం తెలిసిందే. తొలిరోజు శంఖారావం యాత్ర ఇచ్ఛాపురంలో ప్రారంభమై పలాస, టెక్కలిలోనూ కొనసాగింది. 

ఆయా నియోజకవర్గాల్లో 'బాబు ష్యూరిటీ - భవిష్యత్తుకు గ్యారెంటీ', 'మన టీడీపీ యాప్‌'లో ప్రతిభ కనబరిచిన కార్యకర్తల్ని అభినందించారు. తెలుగుదేశం పార్టీలో చేరికల కార్యక్రమంలో పాల్గొన్నారు. అన్ని నియోజకవర్గాల్లోనూ ఈ తరహా కార్యక్రమాల్నే రూపొందించారు. రెండో రోజు శ్రీకాకుళం జిల్లాలో లోకేశ్ శంఖారావం యాత్ర కొనసాగుతోంది. ఉదయం నరసన్నపేటలో బహిరంగ సభ నిర్వహించారు. అనంతరం శ్రీకాకుళంలో శంఖారావం బహిరంగ సభ జరిగింది. ప్రస్తుతం ఆమదాలవలసలో లోకేశ్ బహిరంగ సభ ఉంటుంది. మంగళవారం పాతపట్నం, పాలకొండ, కురుపాంలో శంఖారావం సభలు జరగనున్నాయి. ఎన్నికల సన్నద్ధతపై పార్టీ క్యాడర్‌కు లోకేశ్ దిశానిర్దేశం చేస్తున్నారు. ఈ నేపథ్యంలో లోకేశ్ శంఖారావం యాత్ర ప్రత్యక్ష ప్రసారం మీకోసం.