LIVE: కురుపాంలో నారా లోకేశ్ శంఖారావం యాత్ర - ప్రత్యక్ష ప్రసారం

Nara Lokesh Shankaravam Yatra Live : తొలి రెండు రోజుల కంటే రెట్టింపు ఉత్సాహంతో నారా లోకేశ్ శంఖారావం యాత్ర సాగింది. నేడు మూడో రోజు కొనసాగుతోంది. పాతపట్నం, పాలకొండ, కురుపాం నియోజకవర్గాల్లో లోకేశ్ యాత్ర ఉండగా, పాతపట్నం, పాలకొండలలో ముగిసింది. ప్రస్తుతం కురుపాంలో శంఖారావం యాత్ర కొనసాగుతోంది. ఈ యాత్రలో ఎన్నికల సన్నద్ధతపై పార్టీ క్యాడర్‌కు లోకేశ్​ దిశానిర్దేశం చేస్తున్నారు. పార్టీ కేడర్​తో లోకేశ్ ముఖాముఖిలు నిర్వహిస్తూ, సూపర్ - 6 కిట్లను అందజేస్తున్నారు. ప్రతి నియోజకవర్గంలోనూ పార్టీ కేడర్​తో ప్రతిజ్ఞ చేయిస్తున్నారు. 

సార్వత్రిక ఎన్నికలకు పార్టీ శ్రేణుల్ని కార్యోన్ముఖులను చేయటంతో పాటు జగన్ పీడిత వర్గాలన్నింటికీ భరోసా కల్పించేలా తెలుగుదేశం పార్టీ జాతీయ ప్రధాన కార్యదర్శి నారా లోకేశ్ శంఖారావం యాత్రకు సిద్ధమైన విషయం తెలిసిందే. అధికార పార్టీ నేతల అరాచకాలను ఎండగడుతూ, తాము అధికారంలోకి రాగానే అభివృద్ధిని ఎలా పరుగులు పెట్టిస్తామనేది వివరిస్తున్నారు. రెండో రోజు శ్రీకాకుళం జిల్లాలో లోకేశ్ శంఖారావం యాత్ర కొనసాగింది. నేడు పాతపట్నం, పాలకొండ, కురుపాంలో శంఖారావం సభలు ఏర్పాట్లు చేశారు. ఎన్నికల సన్నద్ధతపై పార్టీ క్యాడర్‌కు లోకేశ్ దిశానిర్దేశం చేస్తున్నారు. 

ప్రస్తుతం కురుపాలంలో లోకేశ్ శంఖారావం యాత్ర ప్రత్యక్ష ప్రసారం మీ కోసం.