డూప్లికేట్ ఓట్ల గోల- కొత్త ఓట్లతో డబుల్ ఎంట్రీల మాయ

MLA Velagapudi Fires On Visakha Collector : విశాఖ తూర్పు నియోజకవర్గంలో ఓటరు అక్రమాలపై తెలుగుదేశం ఎమ్మెల్యే వెలగపూడి రామకృష్ణబాబు ఆగ్రహం వ్యక్తం చేశారు. ఓటరు జాబితా తప్పులతడకగా ఉందని ధ్వజమెత్తారు. చనిపోయినవారి ఓట్లను తొలగించలేదని ఆయన ఆరోపించారు. ఓటరు జాబితాలో తప్పుల గురించి కలెక్టర్‌ దృష్టికి తెచ్చినా ఫలితం దక్కలేదని రామకృష్ణబాబు మండిపడ్డారు. ఒకే ఓటరుకార్డు నంబర్‌ మీద వేర్వేరు పోలింగ్‌ బూత్‌లలో ఓట్లు ఉన్నాయన్నారు. 

Velagapudi On Voter List : విశాఖ జిల్లా కలెక్టర్ మల్లిఖార్జున వైఎస్సార్సీపీకి అనుకూలంగా పని చేస్తున్నారని ఆయన మండిపడ్డారు. కలెక్టర్ మల్లిఖార్జునను ఎన్నికల విధుల నుంచి తొలగించాలని రాష్ట్ర ప్రభుత్వ ముఖ్య కార్యదర్శి , ఎన్నికల కమిషనర్​లకు ఫిర్యాదు చేశామని తెలిపారు. టీడీపీ సానుభూతి పరుల ఓట్లను ఇష్టానుసారంగా తొలగించారని వాపోయారు. కొత్త ఓట్లతో డబుల్ ఎంట్రీలు జరిగాయని, దొంగ ఓట్లను ఇష్టానుసారంగా చేర్చారని అన్నారు. ఒకే బూత్​లో డూప్లికేట్​ ఎపిక్​ నంబర్లు ఎంట్రీ చేశారని వెలగపూడి అన్నారు.