పెన్సిల్‌పై బాలకృష్ణుడు- సూక్ష్మకళాకారుడి అద్భుత ప్రతిభ - Lord Krishna Idol on Pencil Lead

Micro Artist Created Picture of Lord krishna on Pencil: శ్రీ కృష్ణాష్టమి పురస్కరించుకుని ఓ సూక్ష్మ కళాకారుడు బాలకృష్ణుడి రూపాన్ని రూపొందించారు. అనకాపల్లి జిల్లా నక్కపల్లి మండలం చినదొడ్డిగల్లుకు చెందిన గట్టెం వెంకటేష్ పెన్సిల్​పై కృష్ణుడి రూపాన్ని తయారు చేశాడు. గిన్నిస్ బుక్ అవార్డు గ్రహీతగా గుర్తింపు పొందిన వెంకటేష్ సుమారు ఆరు గంటల పాటు శ్రమించి ఈ సూక్ష చిత్రాన్ని పెన్సిల్ ముల్లుపై మలిచాడు. అద్భుతంగా తయారు చేసిన బాలకృష్ణుడు బొమ్మను చూసి పలువురు వెంకటేష్​ను అభినందించారు.

ఇటీవల సూక్ష్మ కళాకారుడు (Micro Artist) వెంకటేష్‌ పెన్సిల్‌ ముల్లుపై హనుమంతుడి చిత్రాన్ని సైతం రూపొందించారు. దీని తయారీకి నాలుగు గంటల సమయం పట్టినట్లు వెంకటేష్​ తెలిపారు. ఉపమాక వెంకన్న ఆలయానికి త్రీడీ నమూనా కూడా సిద్ధం చేశాడు. 25 రోజులపాటు శ్రమించి ఆరు అడుగుల పొడవు, మూడు అడుగుల వెడల్పుతో రూపొందించారు. గతంలో ఆలయాల నమూనాలను సైతం వెంకటేష్​ రూపొందించారు.