పంజాగుట్టలో కారు బీభత్సం - హోంగార్డును ఈడ్చుకెళ్లిన డ్రైవర్

Driver arrested for car accident :హైదరాబాద్ లోని పంజాగుట్ట పరిధిలో నాలుగు రోజుల క్రితం ఓ కారు డ్రైవర్‌ చేసిన బీభత్సం తాజాగా వెలుగులోకి వచ్చింది. నాగార్జున సర్కిల్‌ వద్ద ట్రాఫిక్ పోలీసులు వాహనాల తనిఖీ చేసే  సమయంలో కారును ఆపకుండా డ్రైవర్ వేగంగా అక్కడి నుంచి వెళ్లే ప్రయత్నం చేశాడు. ఇదే సమయంలో దగ్గర్లో అక్కడ ఉన్న హోంగార్డు రమేశ్‌ అనేే వ్యక్తి దాన్ని ఆపాలని కారుకి అడ్డు చెప్పగా.. డ్రైవర్ అయిన సయ్యద్‌ నజీర్‌ (డ్రైవర్‌) హోంగార్డును ఖాతరు చేయకుండా కారుతో సహా కొంత దూరం ఈడ్చుకెళ్లాడు. 

ఈ ఘటనలో హెంగార్డుకు త్రుటిలో ప్రమాదం తప్పింది. ఈ ఘటనకు ప్రధాన కారకుడైన  డ్రైవర్‌ (సయ్యద్ నజీర్) ను అదుపులోకి తీసుకొని ట్రాఫిక్‌ ఎస్‌ఐ ఫిర్యాదుతో కేసు నమోదు చేసుకున్నారు. ఇలాంటి ప్రమాదాలు పునరావృతం కాకుండా కట్టుదిట్టమైన భద్రతా చర్యలు చేపడతామని పోలీసులు స్పష్టం చేశారు. వాహనదారులంతా ట్రాఫిక్ ఆంక్షలను పాటించాలని అధికారులు ఆదేశించారు.