లారీలో అకస్మాత్తుగా మంటలు- చాకచాక్యంగా తప్పించుకున్న డ్రైవర్​ - Lorry Fire Accident

Lorry Fire Accident in Kurnool District : అట్టపెట్టెలతో హైదరాబాద్​ వైపు వెళ్తున్న లారీలో అకస్మాత్తుగా మంటలు చెలరేగి పూర్తిగా దగ్ధమైంది. ఈ సంఘటన కర్నూలు జిల్లా కొడుమూరు మండలం (kodamuru Mandal) కొత్తూరు గ్రామ సమీపంలో చోటు చేసుకుంది. అట్టపెట్టెలతో హైదరాబాద్​కు వెళ్తున్న లారీలో ఒక్కసారిగా మంటలు చెలరేగడం వల్లనే ఈ ప్రమాదం జరిగినట్లు డ్రైవర్​ తెలిపారు. ప్రస్తుతం ఈ సంఘటన సామాజిక మాధ్యమాల్లో వైరల్​గా మారింది.

Kodumuru Kurnool District : లారీలో మంటలు చెలరేగిన విషయాన్ని గమనించిన డ్రైవర్​ హైదర్​ అలీ చాకచాక్యంగా తప్పించుకొని ప్రాణాలతో బయటపడ్డాడు. డ్రైవర్​ సమాచారం మేరకు అగ్నిమాపక సిబ్బంది సంఘటన స్థలానికి చేరుకున్నారు. లారీ నుంచి ఎగిసి పడుతున్న మంటలను ఆర్పడానికి వారు తీవ్రంగా శ్రమించాల్సి వచ్చింది. ఇంజిన్​లో షార్ట్​ సర్క్యూట్​ వల్ల లారీలో అకస్మాత్తుగా మంటలు చెలరేగినట్లు డ్రైవర్​ అనుమానం వ్యక్తం చేస్తున్నారు. మంటల్లో దగ్ధమవుతున్న లారీని చూసి అటుగా వెళ్తున్న వాహనదారులు భయాందోళన చెందారు.