కాలేజీ ఇంఛార్జీ ప్రిన్సిపల్​ బదిలీ - బోరున విలపించిన లెక్చరర్స్​ - వీడియో వైరల్ - Lecturers Cried for Princi Transfer

Lecturers Cried for Principal Transfer in Bhadradri : ఏ పాఠశాలలోనైనా, కళాశాలలోనైనా ఉప్యాధ్యాయులు బదిలీ అయితే విద్యార్థులు బాధపడతారు. తమను వదిలి వెళ్లొద్దంటూ ఏడుస్తారు. కానీ ఈ కళాశాలలో ఇం​ఛార్జీ ప్రిన్సిపల్ బదిలీ అయితే లెక్చరర్లు, విద్యార్థులు, అక్కడ పని చేస్తున్న సిబ్బంది అందరూ కన్నీరు మున్నీరుగా విలపించారు. వివరాల్లోకి వెళితే సింగరేణి కాలేజీలో ఇంగ్లీష్​ ఉపాధ్యాయుడిగా పని చేస్తున్న దేవదాస్, 6 సంవత్సరాల క్రితం భద్రాచలం పట్టణంలోని గిరిజన గురుకుల బాలికల పాఠశాల, జూనియర్ కాలేజీ​ ఇంఛార్జీ ప్రిన్సిపల్‌గా బాధ్యతలు చేపట్టారు.

ప్రస్తుతం ఆయన కృష్ణా సాగర్​ కాలేజీకి బదిలీ అయ్యారు. భద్రాచలం కాలేజీలో విధులు చేపట్టినప్పటి నుంచి ఎన్నో కార్యక్రమాలు చేపట్టారు. అతను ఇంఛార్జీ​ ప్రిన్సిపల్​గా పని చేసిన సమయంలో 50 మంది విద్యార్థినులు ఐఐటీకి, 10 మంది ఎంబీబీఎస్​కు ఎంపికయ్యారని ఉపాధ్యాయులు తెలిపారు. భద్రాచలం రాష్ట్ర స్థాయి క్రీడల్లో విద్యార్థినీలను ప్రోత్సహించారని చెప్పారు. విద్యార్థినులను వివిధ రంగాల్లో ప్రోత్సహించి, ఉన్నత స్థాయిల్లో నిలబెట్టిన ప్రిన్సిపల్,​ ఇప్పుడు బదిలీ కావడంతో విద్యార్థులతో పాటు కాలేజీ స్టాఫ్​ అంతా బోరున విలపించారు.