LIVE హోం మంత్రి వంగలపూడి అనిత మీడియా సమావేశం - విశాఖపట్నం నుంచి ప్రత్యక్షప్రసారం - Vangalapudi Anitha Press Meet

Home Minister Vangalapudi Anitha Press Meet Live: రాష్ట్ర హోం మంత్రి వంగలపూడి అనిత విశాఖ జిల్లాలో పర్యటిస్తున్నారు. ఈ నేపథ్యంలో స్థానిక సర్క్యూట్ హౌసులో వివిధ అంశాలపై విలేకరులతో మాట్లాడనున్నారు. ఆమె ఉదయం సింహాచలంలో అప్పన్న స్వామి వారిని దర్శించుకున్నారు. ప్రజలందరికీ మంచి జరగాలని సింహాద్రి అప్పన్న స్వామిని కోరుకున్నానని అనిత అన్నారు. మంత్రి పదవి వచ్చిన తర్వాత అప్పన్న స్వామిని దర్శించుకోవాలని ఇక్కడికి వచ్చానని తెలిపారు. సింహాచలం దేవస్థానం భూములు ఒక్క గజం కూడా అన్యా క్రాంతం కాకుండా చూస్తానన్నారు. వైఎస్సార్సీపీ ప్రభుత్వంలో కొంతమంది పోలీసు అధికారులు ఆ పార్టీ నేతలకు తొత్తులుగా పనిచేశారని అనిత విమర్శించారు. ఇప్పటికీ వారిలో వైఎస్సార్సీపీ రక్తం ప్రవహిస్తున్నట్లు వ్యవహరిస్తున్నారన్నారు. జగన్‌పై ఇంకా ప్రేమ ఉంటే ఉద్యోగానికి రాజీనామా చేసి ఆ పార్టీ కోసం పని చేసుకోవాలని హితవు పలికారు. శాంతిభద్రతల విషయంలో ఎవరు తప్పు చేసినా వదిలిపెట్టే ప్రసక్తే లేదని హోం మంత్రి స్పష్టం చేశారు. ముఖ్యంగా మహిళలకు అన్యాయం జరగకుండా చూస్తానని ఆమె తెలిపారు. ఈ మేరకు విశాఖ నుంచి హోం మంత్రి వంగలపూడి అనిత మీడియా సమావేశం ప్రత్యక్షప్రసారం మీ కోసం.