కొడాలి నాని ఇంటి వద్ద ఉద్రిక్తత- మాట నిలుపుకుని రాజకీయ సన్యాసం చేయాలని టీడీపీ శ్రేణుల ఆందోళన - High Tension At Kodali Nani House in Gudivada

High Tension At Kodali Nani House in Gudivada : గుడివాడ మాజీ ఎమ్మెల్యే (MLA) కొడాలి నాని ఇంటి వద్ద ఉద్రిక్తత నెలకొంది. ఎన్నికల్లో ఓడిపోతే రాజకీయ సన్యాసం చేస్తానంటూ ప్రకటించిన నాని మాట నిలబెట్టుకోవాలంటూ తెలుగుదేశం యువత కొడాలి నాని ఇంటి వద్ద ఆందోళనకు దిగారు. కొడాలి నాని ఇంటిపై తెలుగు యువత రాళ్లు, గుడ్లు విసిరారు. ఫ్యాన్‌కు తాళ్లు కట్టి ఈడ్చుకుంటూ తీసుకెళ్లారు. కొడాలి నానికి వ్యతిరేకంగా నినాదాలు చేస్తున్న తెలుగు యువతను పోలీసులు అడ్డుకున్నారు. పోలీసులను తోసుకుంటూ నాని ఇంట్లోకి వెళ్లేందుకు యత్నించిన వారిని పోలీసులు అడ్డుకోవడంతో ఇరువర్గాల మధ్య తీవ్ర వాగ్వాదం చోటు చేసుకుంది. జై చంద్రబాబు అంటూ కోడాలి నాని ఇంటి వద్ద టపాసులు కాల్చారు. డౌన్ డౌన్ కొడాలి నాని అంటూ నినాదాలు చేసారు. గుడివాడలో కొడాలి నానికు కౌంట్ డౌన్ స్టార్ట్ అయింది. ఇది ట్రైలర్ మాత్రమే అసలు సినిమా ముందు ఉందని హెచ్చరించారు.