రఘునందన్​ రావుకు శుభాకాంక్షలు తెలిపిన హరీశ్​రావు - Harish Rao Greetings Raghunandanrao

Harish Rao Greetings To Raghunandanrao : సిద్దిపేటలో రాజకీయంగా ఆసక్తికర సన్నివేశం చోటు చేసుకుంది. సిద్దిపేట జిల్లాలో ప్రధాన ప్రత్యర్థులుగా ఉండి మాటల తూటాలతో బాంబులు పేల్చే నేతలు మాజీ మంత్రి హరీశ్​రావు, ఎంపీ రఘునందన్​రావు ఒకే వేదికను పంచుకున్నారు. ఎంపీగా గెలుపొందినందుకు రఘునందన్​రావుకి హరీశ్​రావు శుభాకాంక్షలు తెలిపారు. ఈ ఇద్దరి పార్టీలు వేర్వేరు అయినా వారికున్న క్రేజ్ మామూలుగా ఉండదు. రాజకీయాల్లో ఒకరంటే ఒకరికి పడదు. అలాంటి నేతలు ఎంపీ ఎన్నికల్లో ఒకరిపై ఒకరు తీవ్ర విమర్శలు చేసుకున్నారు. ఆ ఇద్దరు నేతలు ఎదురెదురు పడి ఆప్యాయంగా పలకరించుకున్నారు.

సిద్దిపేటలో శివపార్వతుల కల్యాణంలో ఇద్దరు కలిసి పాల్గొన్నారు. పక్కపక్కనే కూర్చున్నారు. ఈ సన్నివేశాన్ని స్థానికులు ఆసక్తిగా తిలకించారు. లోక్​సభ ఎన్నికల్లో బీజేపీ అభ్యర్థి రఘునందన్​రావు కాంగ్రెస్ అభ్యర్థి నీలం మధుపై 39,139 ఓట్ల ఆధిక్యంతో గెలుపొందారు. మాజీ మంత్రి హరీశ్​రావు మెదక్​లో బీఆర్​ఎస్​ గెలుపు కోసం విస్తృతంగా ప్రచారం చేసినా ఫలితం లేకుండా పోయింది. కనీసం బీఆర్​ఎస్​కు సమీప ప్రత్యర్థి స్థానం కూడా దక్కకుండా మూడో స్థానానికి పరిమితమైంది.