LIVE : జీహెచ్ఎంసీ కౌన్సిల్ సమావేశం - ప్రత్యక్షప్రసారం - GHMC Council Meeting Live
Published : Jul 6, 2024, 10:43 AM IST
|Updated : Jul 6, 2024, 11:54 AM IST
GHMC Council Meeting Live : గ్రేటర్ హైదరాబాద్ మున్సిపల్ కార్పొరేషన్ తొమ్మిదో కౌన్సిల్ సమావేశం నేడు జరుగుతుంది. రాష్ట్రంలో కాంగ్రెస్ ప్రభుత్వం ఏర్పడిన తర్వాత రెండోసారి ఈ సమావేశం జరుగుతోంది. అధికార, విపక్ష కార్పొరేటర్ల మధ్య వాడివేడిగా చర్చ సాగుతోంది. మేయర్తోపాటు డిప్యూటీ మేయర్, మరికొంత మంది కార్పొరేటర్లు అధికార పార్టీలో చేరడంతో ఈసారి కౌన్సిల్ భేటీ రసవత్తరంగా మారుతోంది. మేయర్ విజయలక్ష్మి, డిప్యూటీ మేయర్ శ్రీలత కాంగ్రెస్లో చేరడంతో కాంగ్రెస్ బలంగానే ఉంది. అలాగే బీఆర్ఎస్, బీజేపీలు తమ వాణిని బలంగా వినిపిస్తున్నాయి. సభలో ప్రస్తుతం 146 మంది కార్పొరేటర్లు ఉన్నారు. వారిలో కాంగ్రెస్కు 19 మంది, బీఆర్ఎస్కు 47 మంది, బీజేపీకి 39 మంది, ఎంఐఎంకు 41 మంది సభ్యుల బలం ఉంది. బీఆర్ఎస్ను వీడి కాంగ్రెస్ కండువా కప్పుకున్న మేయర్ విజయలక్ష్మి, డిప్యూటీ మేయర్ శ్రీలత రాజీనామాల కోసం పట్టుబట్టాలని నిన్ననే గ్రేటర్ హైదరాబాద్ బీఆర్ఎస్ ప్రజాప్రతినిధులు నిర్ణయించారు.
Last Updated : Jul 6, 2024, 11:54 AM IST