బండి సంజయ్​కి కేంద్రమంత్రి పదవి - సంబురాలు చేసుకున్న కుటుంబసభ్యులు - Family Celebrations At Bandi Sanjay Home

Family Celebrations At Bandi Sanjay Home Karimnagar : బీజేపీ జాతీయ ప్రధాన కార్యదర్శి, కరీంనగర్ ఎంపీ బండి సంజయ్​కి కేంద్రమంత్రి పదవి దక్కడం పట్ల తెలంగాణలో హర్షాతిరేకాలు వ్యక్తమవుతున్నాయి. కరీంనగర్​లోని బండి సంజయ్ నివాసంలో కుటుంబ సభ్యులు సంబురాలు జరుపుకున్నారు. కార్యకర్తలు టపాసులు కాల్చి సంబరాలు జరుపుకున్నారు. బండి సంజయ్​ను తెలంగాణ కాషాయ దళపతిగా పిలుచుకునే బీజేపీ కార్యకర్తల ఆనందానికి ఆవధుల్లేకుండా పోయాయి. సామాన్య కార్యకర్తకు దక్కిన గౌరవంగా వారు భావిస్తున్నారు. 

Bandi Sanjay Fans Celebrations in Karimnagar : బీజేపీ పార్టీలో కార్యకర్తగా చేరింది మొదలు ఏ పదవిలో ఉన్నా నిరంతరం ప్రజల పక్షాన నిరంతరం పోరాటాలు చేయడమే లక్ష్యంగా పనిచేసిన బండి సంజయ్​కు అమాత్య పదవి లభించడం, కేంద్ర ప్రభుత్వంలో భాగస్వామి కావడం విశేషం. సంజయ్​కు కేంద్ర మంత్రి పదవి లభించడం పట్ల కరీంనగర్ పార్లమెంట్ ప్రజల్లో సంతోషాలు వెల్లివిరుస్తున్నాయి. కేంద్రమంత్రి వర్గంలో తెలంగాణ బీజేపీ ఎంపీలకు కిషన్ రెడ్డి, బండి సంజయ్​కు చోటు దక్కింది. కరీంనగర్​ నుంచి బండి సంజయ్​ మొదటిసారి కేంద్రమంత్రి వర్గంలో అడుగుపెట్టనున్నారు.