తెలుగుదేశంలోనే ఉంటా - లోకేశ్​కు స్పష్టం చేసిన జలీల్ ఖాన్

Ex MLA Jaleel Khan meets Nara Lokesh: తెలుగుదేశం పార్టీ సీనియర్ నేత, మాజీ ఎమ్మెల్యే జలీల్ ఖాన్  పార్టీ మారుతారనే  ఊహాగానాలపై స్పష్టతనిచ్చారు. జలీల్ ఖాన్​ పార్టీ మార్పు అంశంపై స్పందించారు.  తాను ఏ పార్టీలోకి వెళ్లడం లేదని వెల్లడించారు. టీడీపీలోనే కొనసాగుతానని తెలిపారు. విజయవాడ పశ్చిమ సీటు నుంచి తెలుగుదేశం, జనసేన పొత్తులో భాగంగా రెండు పార్టీల నేతలు ప్రయత్నాలు చేస్తున్నారు. అందులో భాగంగా జలీల్ ఖాన్​కు కాకుండా మరో నేతకు టికెట్ కేటాయించే అంశాన్ని అధిష్టానం పరిశీలిస్తోంది. అందుకోసమే అసంతృప్తితో ఉన్న  జలీల్‍ ఖాన్‍ను వెంట పెట్టుకుని కేశినేని చిన్ని తెలుగుదేశం జాతీయ ప్రధాన కార్యదర్శి లోకేశ్ వద్దకు తీసుకొచ్చారు. జలీల్ ఖాన్ నారా లోకేశ్​తో భేటీ అయ్యారు.  తాను తెలుగుదేశంలోనే ఉంటానని జలీల్‍ఖాన్ స్పష్టం చేసినట్లు సమాచారం. జలీల్ ఖాన్ రాజకీయ భవిష్యత్తుకు నారా లోకేశ్​ హామీ ఇచ్చారు. రాష్ట్రవ్యాప్తంగా ముస్లింల మద్దతు కూడగట్టి తెలుగుదేశం పార్టీకి అండగా నిలబడతానని జలీల్ ఖాన్ స్పష్టం చేసినట్లు టీడీపీ వర్గాలు పేర్కొన్నాయి.