Tomorrow CM Chandrababu going to Tirupati : తిరుపతిలో వైకుంఠ ద్వార దర్శనం టోకెన్ల కోసం జరిగిన తొక్కిసలాటపై సీఎం చంద్రబాబు సమీక్ష నిర్వహించారు. డీజీపీ, టీటీడీ ఈవో, జిల్లా కలెక్టర్, ఎస్పీలతో సమీక్షించారు. ఘటనపై ఆరా తీశారు. ఈ క్రమంలో సీఎం గురువారం ఉదయం తిరుపతి వెళ్లి ఆస్పత్రిలో చికిత్స పొందుతున్న క్షతగాత్రులను పరామర్శించనున్నారు.
కొందరు అధికారుల వల్ల ఈ ఘటన జరిగిందని, ఆరుగురు చనిపోయారని సీఎం చంద్రబాబు దిగ్భ్రాంతి వ్యక్తం చేశారు. ఇలాంటివి మరోసారి జరగకుండా చర్యలు తీసుకోవాలని అధికారులను సీఎం చంద్రబాబు ఆదేశించారు. ఈ క్రమంలో మృతుల కుటుంబాలకు ప్రభుత్వం తరపున పరిహారం ఇస్తామని సీఎం చంద్రబాబు తెలిపారు. ఒక మహిళకు ఆరోగ్యం బాగాలేదని గేటు తీసేటప్పుడు తోపులాట జరిగిందని అన్నారు.
