South Central Railway Arranged Special Trains for Sankranti: రాష్ట్రంలో అతి పెద్ద పండగ సంక్రాంతి. ఉద్యోగ, వ్యాపార నిమిత్తం హైదరాబాద్, బెంగళూరు వంటి నగరాల్లో పని చేస్తున్న వారు కచ్చితంగా తమ సొంతూళ్లకు చేరుకుంటారు. అయితే సంక్రాంతి పండగ సందర్భంగా సొంతూళ్లకు వెళ్లేవారికి దక్షిణ మధ్య రైల్వే గుడ్ న్యూస్ చెప్పింది. పండగ రద్దీ నేపథ్యంలో ప్రయాణికుల సౌకర్యార్థం కొన్ని స్పెషల్ రైళ్లను నడపనుంది.
ఈ సంక్రాంతి పండుగ రద్దీని దృష్టిలో పెట్టుకుని గతంలో సౌత్ సెంట్రల్ రైల్వే కొన్ని స్పెషల్ ట్రైన్లను ఏర్పాట చేయగా తాజాగా మరికొన్ని స్పషల్ ట్రైన్లను ఏర్పాటు చేసింది. ఇవి హైదరాబాద్, చర్లపల్లి, కాకినాడ, తిరుపతి మధ్య ఈ 6 ట్రైన్లు నడవనున్నట్లు ప్రకటించింది. ఈ ప్రత్యేక రైళ్లలో ముందస్తు రిజర్వేషన్ సదుపాయం కూడా దక్షిణ మధ్య రైల్వే కల్పించింది.
ట్రైన్ల వివరాలు ఇవే:
- హైదరాబాద్ నుంచి ఏపీలోని పలు ప్రాంతాలకు ప్రత్యేక రైళ్లు
- ఈ నెల 10న రాత్రి 8.15 గం.కు హైదరాబాద్ నుంచి కాకినాడకు రైలు
- ఈ నెల 11న సాయంత్రం 5.40 గం.కు కాకినాడ నుంచి హైదరాబాద్‌కు రైలు
- ఈ నెల 12న రాత్రి 9.45 గం.కు హైదరాబాద్ నుంచి తిరుపతికి ప్రత్యేక రైలు
- ఈ నెల 13న సా. 4.35 గం.కు తిరుపతి నుంచి హైదరాబాద్‌కు రైలు
- ఈ నెల 11న రాత్రి 8 గం.కు చర్లపల్లి నుంచి కాకినాడ టౌన్‌కు ప్రత్యేక రైలు
- ఈ నెల 12న రాత్రి 7.40 గం.కు కాకినాడ టౌన్ నుంచి చర్లపల్లికి ప్రత్యేక రైలు
మరికొన్ని స్పషల్ ట్రైన్లు: కొద్ది రోజుల క్రితం కాచిగూడ, చర్లపల్లి నుంచి శ్రీకాకుళం రోడ్‌ మధ్య 6 స్పెషల్ సర్వీసులు నడపనున్నట్లు దక్షిణ మధ్య రైల్వే ప్రకటించింది. అవి జనవరి 11, 12, 15, 16వ తేదీల్లో కాచిగూడ నుంచి శ్రీకాకుళం రోడ్‌ మధ్య ఈ ట్రైన్స్ రాకపోకలు సాగించనున్నాయి. అదే విధంగా చర్లపల్లి నుంచి శ్రీకాకుళం రోడ్డుకు 8, 9వ తేదీల్లో రెండు ట్రైన్స్ నడుస్తున్నాయి.
రాష్ట్రానికి వందే భారత్ స్లీపర్ - ఆ రెండు మార్గాల్లో కొత్త రైళ్లు
దక్షిణ మధ్య రైల్వే బంపర్ ఆఫర్ - సంక్రాంతికి మరో 52 ప్రత్యేక రైళ్లు! - బుకింగ్ ఓపెన్
