వైఎస్సార్​సీపీని బంగాళాఖాతంలో కలిపేందుకు అన్ని వర్గాలు సిద్ధం : గంటా

EX Minister Ganta Srinivasa Rao: భీమి సభలో ముఖ్యమంత్రి వ్యాఖ్యలపై పలువురు రాజకీయ నేతలు ఆగ్రహం వ్యక్తం చేస్తున్నారు. సభ సాక్షిగా ముఖ్యమంత్రి అబద్దాలు చెప్పారని మండిపడ్డారు. రానున్న ఎన్నికల్లో వైఎస్సార్​ కాంగ్రెస్​ ప్రభుత్వాన్ని బంగాళాఖాతంలో కలిపేందుకు అన్ని వర్గాల ప్రజలు సిద్ధంగా ఉన్నారని మాజీ మంత్రి గంటా శ్రీనివాసరావు అన్నారు.

ముఖ్యమంత్రి హోదాలో ఉన్న జగన్ మోహన్​ రెడ్డి, భీమిలిలో నిర్వహించిన 'సిద్ధం' సభలో అవాస్తవాలను ఎలా మాట్లాడగలిగారని గంటా ప్రశ్నించారు. అబద్దాలు చెప్పి ముఖ్యమంత్రి రాష్ట్ర ప్రజలను మోసం చేయలేరని అభిప్రాయం వ్యక్తం చేశారు. పేదల పక్షాన పోరాడుతున్నానన్న జగన్‌ దేశంలోనే రిచెస్ట్‌ సీఎంగా ఉన్నారని ఎద్దేవా చేశారు. వైఎస్సార్​సీపీ అరాచకపాలనపై, జగన్‌ వదిలిన బాణం అడుగుతున్న ప్రశ్నలకు ముఖ్యమంత్రి జగన్​ సమాధానం చెప్పాలన్నారు. 

"నాకు మీడియా లేదు. నాకు ఎవరూ బ్రాండ్​ అంబాసిడర్లు లేరు. ప్రజలే నా బ్రాండ్​ అంబాసిడర్లు అని ముఖ్యమంత్రి చెప్తున్నారు. ముఖ్యమంత్రి హోదాలో ఉండి పచ్చి అబద్దాలు ఎలా చెప్పగల్గుతున్నారు. మీ నాన్న ముఖ్యమంత్రి కాకముందు మీ పరిస్థితి ఏంటి" - గంటా శ్రీనివాస రావు, మాజీ మంత్రి