LIVE : అమీర్‌పేట్‌లో రామోజీరావు సంతాప సభ ప్రత్యక్షప్రసారం - condolence meeting for Ramoji rao

Ramoji Rao condolence meeting live : రామోజీ గ్రూప్‌ సంస్థల అధినేత రామోజీరావు మృతి పట్ల కమ్మసంఘం ఆధ్వర్యంలో ఇవాళ అమీర్‌పేట్‌ సంతాప సభ నిర్వహించారు. సమాజానికి ఎందరో పాత్రికేయులను అందించిన అక్షర సైనికుడు రామోజీ అని వారు కొనియాడారు. ఈనాడు అంటే క్రమశిక్షణకు మారుపేరని, అక్కడ చేరిన వారు నేడు ఎంతో గొప్ప స్థానాల్లో ఉన్నారని తెలిపారు. రామోజీ అంటే వ్యక్తి కాదు శక్తి అని, ఆయన ఏది చేసినా విజయం తప్ప పరాజయం అన్న పదం ఆయన నిఘంటువులోనే లేదని తెలిపారు. ఉషా కిరణ్‌ మూవీస్‌ బ్యానర్ ద్వారా ఎంతోమంది నటులు, దర్శకులు, టెక్నీషియన్లను తెలుగు సినీ పరిశ్రమకు పరిచయం చేశారని, మయూరి ఫిలిం డిస్టిబ్యూటర్స్​ను ప్రారంభించి కొన్ని వందల తెలుగు చిత్రాలనే కాకుండా, ఇతర భాషా చిత్రాలు కూడా పంపిణీ చేశారన్నారు. రామోజీ ఫిల్మ్ సిటీలో దేశంలోని అన్ని భాషా చిత్రాలను షూట్ చేస్తుంటారని, బాలీవుడ్ కోలీవుడ్, మాలీవుడ్ అన్న తేడా లేకుండా అందరూ రామోజీ ఫిల్మ్ సిటీకి వచ్చి షూట్ చేసుకుని వెళ్తుంటారని పేర్కొన్నారు. సినీ పరిశ్రమకు ఆయన ఎనలేని సేవ చేశారని. ఆ మహానీయుడు మరణం సినీ లోకానికి తీరని లోటు విచారం వ్యక్తం చేశారు.