విల్లాలకు తాళం విరగొట్టి లాకర్‌, డబ్బు కొట్టేసిన దొంగలు

Chori Case In Hyderabad : బాచుపల్లి పోలీస్‌ పరిధిలో తాళం వేసిన రెండు విల్లాలకు తాళం విరగొట్టి దొంగతనం చేసిన ఘటన చోటు చేసుకుంది. సీతారాం విల్లాస్ కాలనీలో దొంగలు చోరీకి పాల్పడ్డారు. నెంబర్ 21బి & 2బి 2 విల్లాలలో తెల్లవారు జామున ముడున్నర గంటలకు దొంగలు చోరీకి వచ్చినట్లు సీసీటీవీ ఫుటేజ్‌లో రికార్డ్ అయ్యింది. ఓ ఇంట్లో ఉన్న 2 తులాల వెండి విగ్రహం, 8 వేల నగదుతో పాటు లాకర్‌ను ఎత్తుకెళ్లారు. 

లాకర్​లో విలువైన పత్రాలు ఉన్నాయని బాధితులు తెలిపారు. సమాచారం అందుకున్న బాచుపల్లి పోలీసులు ఘటనా స్థలాన్ని పరిశీలించారు. బాగా రెక్కీ నిర్వహించాకే పక్కా ప్లాన్​తో దొంగతనానికి వచ్చినట్లు పోలీసులు గుర్తించారు. కేసు నమోదు చేసుకుని సీసీ ఫుటేజ్ ఆధారంగా దర్యాప్తు చేస్తున్నారు. సెక్యూరిటీ అధికంగా ఉండే గేటెడ్ కమ్యూనిటీల్లో ఇలా దొంగతనాలు జరగడంపై స్థానికులు ఆందోళన వ్యక్తం చేస్తున్నారు. పోలీసులు పెట్రోలింగ్ పెంచాలని కోరుతున్నారు.