LIVE : ఏపీ సీఎంగా చంద్రబాబు ప్రమాణస్వీకార కార్యక్రమం - AP CM CHANDRABABU OATH LIVE

Chandrababu Oath Ceremony in AP CM Live : టీడీపీ అధినేత నారా చంద్రబాబు నాయుడు ఆంధ్రప్రదేశ్ ముఖ్యమంత్రిగా ప్రమాణ స్వీకార కార్యక్రమానికి అన్ని ఏర్పాట్లు పూర్తయ్యాయి. కృష్ణా జిల్లా కేసరపల్లిలో సభాప్రాంగణాన్ని సర్వాంగ సుందరంగా ముస్తాబు చేశారు. తొలుత  సాంస్కృతిక కార్యక్రమాలను ఏర్పాటు చేశారు. అనంతరం ఏపీ ముఖ్యమంత్రిగా చంద్రబాబు నాలుగోసారి బుధవారం ఉదయం 11.27 గంటలకు ప్రమాణ స్వీకారం చేశారు. అదేవిధంగా మంత్రిగా పవన్‌ కల్యాణ్‌ ప్రమాణ స్వీకారం చేశారు. వారితో పాటే విుగతా మంత్రులూ ప్రమాణం స్వీకారం చేస్తున్నారు. ఈ కార్యక్రమానికి ప్రధాని మోదీ, కేంద్ర హోంమంత్రి అమిత్‌షా, పలువురు కేంద్ర మంత్రులు, వివిధ రాష్ట్రాల సీఎంలు, అగ్రనటులు చిరంజీవి, రజనీకాంత్‌ తదితరులు హాజరయ్యారు. సభ కోసం 11.18 ఎకరాలను సిద్ధం చేశారు. 36 గ్యాలరీల్లో అందరికీ వేదిక కనిపించేలా ఎల్‌ఈడీ తెరలను ఏర్పాటు చేశారు. వీఐపీల కోసం ప్రత్యేకంగా నాలుగు గ్యాలరీలను సిద్ధం చేశారు. మిగిలిన ప్రాంతాన్ని సాధారణ ప్రజల కోసం కేటాయించారు. దాదాపు 10,000ల మంది భద్రత సిబ్బంది విధులు నిర్వర్తిస్తున్నారు.