చెట్టును ఢీకొన్న కారు - మంటలు చెలరేగి వృద్ధ దంపతులు మృతి - Car Fire Accident In Khammam

Road Accident In Khammam : ఇటీవల కాలంలో రోడ్డు ప్రమాదాలు ఎక్కువగా జరుగుతున్నాయి. చిన్నపాటి నిర్లక్ష్యం కారణంగా ఏకంగా ప్రాణాలు గాల్లో కలిసి పోతున్నాయి. తాజాగా ఖమ్మం జిల్లావో విషాదం చోటుచేసుకుంది. రోడ్డు ప్రమాదంలో ఇద్దరు వృద్ద దంపతులు మృతి చెందారు. కారు అదుపు తప్పి చెట్టును ఢీ కొట్టడంతో ఒక్కసారిగా మంటలు చెలరేగాయి.

Khammam Road Accident : బోనకల్ మండలం ముష్టికుంట్ల వద్ద కారు అదుపు తప్పి చెట్టును ఢీ కొట్టింది. ఆ సమయంలో ఇద్దరు యువకులు సహా మరో ఇద్దరు వృద్ధులు కారులో ఉన్నారు. ప్రమాదంలో వృద్ధ దంపతులు అక్కడికక్కడే మృతి చెందారు. గాయాలై అపస్మారక స్థితిలో ఉన్న ఇద్దరు యువకులను ఖమ్మం ప్రధాన ఆసుపత్రికి తరలించి చికిత్స అందిస్తున్నారు. ప్రమాదం జరగడంతో ఒక్కసారిగా కారులో మంటలు వ్యాపించాయి.రోడ్డుపై వెళ్తున్న వారు గమనించి కారు నుంచి ప్రయాణికులను బయటకు తీశారు. మృతులు సూర్యనారాయణ, రుక్మిణి మామిళ్లగూడెం వాసులుగా గుర్తించారు. ఈ ఘటనపై పోలీసులు కేసు నమోదు చేసుకొని దర్యాప్తు చేస్తున్నారు.