చంద్రబాబు ప్రమాణస్వీకారం- ఏపీ చరిత్రలో సువర్ణ అధ్యాయం: రాజధాని రైతులు - Farmers at CBN Oath Ceremony

Capital Farmers at CBN Oath Ceremony: ఏపీ చరిత్రలో ఇవాళ సువర్ణ అధ్యాయమని.. అరాచక, అన్యాయంపై విజయానికి గుర్తుగా సంబరాలు చేసుకునే రోజు అని అమరావతి రైతులు అన్నారు. చంద్రబాబు ప్రమాణస్వీకారోత్సవానికి రాజధాని రైతులు పెద్ద ఎత్తున తరలివచ్చారు. ఇకనుంచి ప్రజా రాజధాని అమరావతికి మహర్దశ వస్తుందని అభివృద్ధిలో పరుగులు పెడుతుందని ఆశాభావం వ్యక్తం చేశారు. గత ఐదేళ్లుగా వైఎస్సార్సీపీ ప్రభుత్వంలో నానాకష్టాలు పడ్డామని, ఇకపై తమ బాధలన్నీ తీరిపోతాయని రైతులు తీవ్ర భావోద్వేగానికి గురయ్యారు. చంద్రబాబు పాలనలో రాష్ట్రం అభివృద్ధి దిశగా పరుగులు పెడుతుందని ఆశాభావం వ్యక్తం చేశారు. 

"ఏపీ చరిత్రలో ఇవాళ సువర్ణ అధ్యాయం. అన్యాయంపై విజయానికి గుర్తుగా సంబరాలు చేసుకునే రోజు.  గత ఐదేళ్లుగా వైఎస్సార్సీపీ ప్రభుత్వంలో నానాకష్టాలు పడ్డాం. చంద్రబాబు ప్రమాణ స్వీకారంతో ఇకపై మా బాధలన్నీ తీరిపోయాతాయి. చంద్రబాబు ప్రమాణ స్వీకారంతో అమరావతికి మహర్దశ వస్తుంది. బాబు పాలనలో రాష్ట్రం అభివృద్ధి దిశగా పరుగులు పెడుతుంది." - అమరావతి రైతులు