హనుమకొండలో ఘనంగా బీఆర్ఎస్ ఆవిర్భావ దినోత్సవ వేడుకలు - BRS Party Formation Day Celebration

BRS Party Formation Day Celebrations in Hanamkonda : హనుమకొండలో బీఆర్​ఎస్​ ఆవిర్భావ దినోత్సవ వేడుకలు ఘనంగా జరిగాయి. పార్టీ జిల్లా కార్యాలయంలోని తెలంగాణ తల్లి విగ్రహానికి మాజీ మంత్రి ఎర్రబెల్లి దయాకర్​రావు, మాజీ స్పీకర్​ మధుసూదనాచారి, బండ ప్రకాష్​లు పూలమాలలు వేశారు. అనంతరం అమరవీరులకు నివాళులు అర్పించారు. బీఆర్​ఎస్​ కార్యాలయంపైన జిల్లా అధ్యక్షుడు దాస్యం వినయ్​ భాస్కర్​ గులాబీ జెండాను ఎగురవేశారు.

ప్రత్యేక రాష్ట్రం కోసం పోరాడిన ఏకైక పార్టీ బీఆర్​ఎస్​ అని శాసనమండలి డిప్యూటీ ఛైర్మన్​  బండ ప్రకాష్ అన్నారు. అనేకమందిని రాజకీయాల్లోకి తీసుకువచ్చి వారి నుంచి ప్రజాసేవ చేయించిందని అన్నారు. అనివార్య కారణాల వల్ల అధికారం కోల్పోయినా బీఆర్ఎస్ నాయకులు ఎప్పుడు ప్రజాసేవ చేస్తుంటారని తెలిపారు. బీఆర్​ఎస్​ పార్టీ 23ఏళ్ల ప్రస్థానంలో అనేక విజయాలు సాధించిందని తెలిపారు. రాష్ట్ర రాజకీయాల్లోనే కాకుండ దేశంలో కూడా క్రియాశీలకంగా వ్యవహరిస్తుందని ఆయన ఆశాభావం వ్యక్తం చేశారు. కార్యకర్తలందరూ లోక్​సభ ఎన్నికల్లో కలిసి పని చేసి విజయం సాధించాలని ఆకాంక్షించారు.