విజయవాడలో శ్రీలీల సందడి - తరలివచ్చిన అభిమానులు - Actress Sreeleela in Vijayawada

Actress Sreeleela in Vijayawada : విజయవాడలో సినీనటి శ్రీలీల సందడి చేశారు. ఎంజీ రోడ్డులో  ఏర్పాటు చేసిన ఓ​ షాపింగ్ మాల్‌ను యాజమాన్యంతో కలిసి తొలుత జ్యోతి ప్రజ్వలన చేసి ఆమె ప్రారంభించారు. అనంతరం స్టోర్​లో కలియ తిరుగుతూ పలు వస్త్రాలను ధరించి ఫొటోలకు పోజులిచ్చారు. శ్రీలీలను చూసేందుకు అభిమానులు షాపింగ్​ మాల్​కు భారీగా తరలివచ్చారు.

Sreeleela Opened Shopping Mall Vijayawada :  శ్రీలీల రాకతో యువత కేరింతలు, ఈలలతో ఆ ప్రాంతమంతా హోరెత్తింది. కాసేపు స్టేజీపై నుంచి ప్రజలకు అభివాదం చేశారు. ఆమెతో సెల్ఫీలు దిగేందుకు అభిమానులు పోటీపడ్డారు. ఈ షాపింగ్​ మాల్​ కలెక్షన్స్​ వినియోగదారులను కట్టిపడిసే విధంగా ఉందని శ్రీలీల తెలిపారు. విజయవాడకు రావడం చాలా ఆనందంగా ఉందని పేర్కొన్నారు. అధునాతన కలెక్షన్స్, నూతన వెరైటీలతో అతిపెద్ద స్టోర్​గా చెన్నయ్ షాపింగ్​ మాల్​ అవతరించిందని చెప్పారు. ముందస్తుగా ప్రజలందరికీ దసరా, దీపావళి శుభాకాంక్షలు తెలిపారు. ఈ కార్యక్రమంలో మంత్రి కొలుసు పార్ధసారథి, ఎమ్మెల్యేలు బొండా ఉమామహేశ్వరరావు, గద్దె రామ్మోహనరావు, తదితరులు పాల్గొన్నారు.