LIVE : 22 ఎలక్ట్రికల్​ టీఎస్​ఆర్టీసీ బస్సులు ప్రారంభం

22 Electrical TSRTC Buses Start in Telangana : హైదరాబాద్​లో టీఎస్​ఆర్టీసీలోకి అదనంగా 22 ఎలక్ట్రిక్​ బస్సులు వచ్చాయి. ఈ 22 ఎలక్ట్రిక్​ బస్సులను టీఎస్​ఆర్టీసీ అందుబాటులోకి తీసుకువచ్చింది. ఎలక్ట్రిక్​ బస్సులను జెండా ఊపి ఉపముఖ్యమంత్రి భట్టి విక్రమార్క, రవాణా శాఖ మంత్రి పొన్నం ప్రభాకర్​ ప్రారంభించారు. ఈ ప్రారంభోత్సవంలో ఆర్టీసీ ఎండీ సజ్జనార్, ఉన్నతాధికారులు, ఆర్టీసీ ఉద్యోగులు పాల్గొన్నారు.ఫిబ్రవరి నెలలో 100 కొత్త బస్సులను టీఎస్​ఆర్టీసీ అందుబాటులోకి తీసుకువచ్చింది. ఇందులో మహాలక్ష్మి పథకం కోసం 90 ఎక్స్​ప్రెస్​ బస్సులను కేటాయించగా, హైదరాబాద్​-శ్రీశైలం మార్గంలో తొలిసారి 10 ఏసీ రాజధాని సర్వీసులను అందుబాటులోకి తీసుకువచ్చారు. ఈ కార్యక్రమంలో సీఎం పాల్గొని బస్సులను ప్రారంభించారు. ఇప్పటికే మహాలక్ష్మి పథకంతో మహిళలకు ఉచిత బస్సు ప్రయాణంతో ఆర్టీసీ బస్సులు అన్ని కిక్కిరిపోతున్నాయి. ఈ క్రమంలో రాష్ట్రప్రభుత్వం ఇలా కొత్త బస్సులను ప్రారంభించడం పట్ల ప్రయాణికులు హర్షం వ్యక్తం చేస్తున్నారు. ఆర్టీసీని అభివృద్ధి పథంలో నడుపుతామని ప్రభుత్వం స్పష్టం చేసింది.